Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Limonium virgatum

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Saladello(-en-bagueto)

Limonium virgatum

Plumbaginaceae

Noms en français : Saladelle en baguette, Statice en baguette.

Descripcioun :
Aquesto saladello que trachis dins la sablo en ribo de mar se recounèis à si fueio en espatulo (1 o 3 costo) e à sis enflourejado en Z. Lis espigueto soun giblado un cop maduro e li ramo esterlo soun di proun noumbrouso.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour : Vióuleto
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Vo

Liò : Mar - Sansouiro - Paret
Estànci :
Couroulougi : Pancaro entresigna
Ref. sc. : Limonium virgatum (Willd.) Fourr., 1869

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vitis riparia x Vitis rupestris & Limonium virgatum

ges

Coumpara Lambrusco(-bastardo) emé uno autro planto

Coumpara Saladello(-en-bagueto) emé uno autro planto